Masalmo 119:13 - Bhiblia Yo Sawuleka

¹³ Ni na wuyelela kuhuwelela ngu dipswi do pfala yotshe mithetho yi u nga yi womba ngu txisofu txako.

Masalmo 119:13 Referans Kwoze

Masalmo 37:30

Txisofu txa m'thu wo lulama txi womba mapswi a wutxhari; lidimi lakwe li womba mapimo amanene.

Masalmo 34:11

Vanangu, ngonani, mi ta ni engisa: Ni na mi gondisa kuthava Mkoma.

Mithumo 4:20

Athu kha hi na kusikota kumalala ni ti hi nga ti wona, ni ti hi nga tiengisa.”

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Masalmo 119:172

Ni na embelela mahungu ako, nguko milayo yako yi lulamile.

Masalmo 119:46

Ni na nuwela milayo yako ka vafumeli kuwalo ni wammweyo a no ni wisa tingana.

Masalmo 118:17

Kha ni na mbi fa, aniko ni na hanya kasiku ni xawutela mithumo ya Mkoma!

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Dhewuteronome 6:6

Mapswi awa ni ku leletako nyamsi, ma nave mbiluni kwako.

Dhewuteronome 6:7

Awe u na ma gondisa ka vanana vako, kambe u na womba-womba ngu ona, u di khalahatshile m'tini kwako, ni kungako u txi tsimbila amu mapfhumbani kwako, ngako u txi otela, ni kungako u txi wuka.

Masalmo 18:22

Mithetho yakwe yotshe yi masoni kwangu kambe kha ni zivi kukaneta sirumo sakwe.

Mavingu 5:2

kasi ku u na xayisa siziviso sangu, ni txisofu txako txi vekete wuzivi.