Masalmo 119:108 - Bhiblia Yo Sawuleka

¹⁰⁸ Mkoma, engisa mkombelo wangu wa kubonga, ni gondise mithetho yako.

Masalmo 119:108 Referans Kwoze

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Masalmo 119:12

Bongwa, Mkoma! Ni gondise milayo yako!

Masalmo 119:169

Huwa yangu yi na hoke kwako, Mkoma; Ni he mapimo, madingano ni kuwomba kwako;

Mitengo 29:39

Awu mthumo, mi na wu mahela Mkoma, ka mipipi yanu ya hombe, hahanze ka kuxambanya kwanu, ni miningelo ya kuranda kwanu, miphaxo yanu yo hiswa, ni miningelo yanu ya sakudya, ni sa kusela sa kona, ni miningelo yanu ya kudikha.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Masalmo 119:26

Ni ti tshanzile kwako totshe ti ni nga ti maha, se awe u ni xamute; ni gondise milayo yako!

2 Makronika 31:14

Ni Kora, mwana Imina, Mulevhi, muwoneleli wa txike txa didhawa da wutxani, i ti ti mxayisi wa miningelo ya kuranda kwawe, ayi yi ningelwako ka Txizimu, ni mphakeli wa miningelo yo sawuleka ya Mkoma ni simaha so sawuleka ngutu.

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.