Masalmo 118:7 - Bhiblia Yo Sawuleka

⁷ Mkoma a ni nani; ngene m'vhikeli wangu se ni na va wona valala vangu va txi khoziswa.

Masalmo 118:7 Referans Kwoze

Masalmo 59:10

Txizimu, txi txi ni randako, txi nata kwangu, txi txi ni ninga kuwona kuxulwa ka valala vangu.

Masalmo 54:4

Aniko Txizimu i mwemeli wangu; Mkoma ngene a ni ningako wutomi.

Masalmo 54:7

nguko u ni hulukisisile kuxanisekani kwangu; se maso angu ma wonile kuxulwa ka valala vangu.

Masalmo 55:18

Ene a hulukisile ngu kudikha moya wangu ka vale va nga txi ni lwisa, nguko i ti vavangi avale va nga ti ni lwisa.

Masalmo 112:8

Mbilu yakwe yi tsani, kha yi thavi txilo, ene wa themba ti to valala vakwe va na xulwa.

Masalmo 92:11

Ni va woni valala vangu ve xulwa, ni ti engisile tihuwa ta vale va nga ti lava ku ni wukela!

1 Makronika 12:18

Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.

Masalmo 54:6

Ani ni na ninga miphaxo ngu kuranda kwangu; ni na dhumisa ditina dako, Mkoma, nguko awe u wamnene,

Masalmo 59:11

Mkoma, u nga va daye, kasiku vathu vangu va si divali; va hangalase u txi va xowokisa ngu mtamo wako. Mkoma, awe u m'vhikeli wathu!

Isaya 41:13

Nguko ani, Mkoma, Txizimu txako, ni kuñola ngu dianza dako da txinene, ni txi khani kwako: U nga thave, ani na kuvhuna.