Masalmo 118:22 - Bhiblia Yo Sawuleka

²² Dirigwi diya vaaki va ngadi nyenya di mahile dirigwi da hombe do tsanisa.

Masalmo 118:22 Referans Kwoze

Luka 20:17

Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’

Matewu 21:42

Jesu a to va gela a txi khene: “Kasi kha ma gonda ka Mibhalo ti taku: ‘Dirigwi dile di nga lambwa ngu vaaki di tshumete di maha dirigwi da hombe do tsanisa. Atiya ti mahilwe ngu Mkoma kambe ta xamalisa masoni kwathu.’

Mithumo 4:11

Ene ngene dirigwi di di nga nyenywa ngu nganu vaaki, adiya se di nga mahwa msungo wa dikhona.

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.