Masalmo 118:15 - Bhiblia Yo Sawuleka

¹⁵ Matendani ka vale vo lulama ku ni dipswi da kutsaka ka hombe ka kuhanyisa; “Dianza da txinene da Mkoma di hi hanyisile,

Masalmo 118:15 Referans Kwoze

Masalmo 89:13

Diwoko dako di ni mtamo, dianza dako di tsani, dianza dako da txinene di ni wurena!

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

Luka 1:51

A thumile ta hombe ngu diwoko dakwe, a hangalasile ava va nga txi ti kukumukisa ka mialakanyo ya timbilu tawe.

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mithumo 16:34

Sekoko a to kwela e tsula navo nyumbani kwakwe eya va vekela sakudya masoni kwawe; se a to tsaka ni yotshe ngamu yakwe ngu kuwa va nga kholwa ka Txizimu.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Masalmo 119:111

Thomba yangu ya yotshe mbimo ngu sileleto sako, nguko sa tsakisa mbilu yangu.

Masalmo 68:3

Aniko vavanene va tsaka masoni ka Txizimu, va maha migiyo, va giringa ngu kutsaka!

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Masalmo 32:11

Tsakani, kambe giyani ngu kualakanya Mkoma, vathu vavanene vo dhundeka; embelelani ngu kutsaka, anu motshenu mi ku vo lulama ni kuthembeka!

Masalmo 45:4

Kupfalisekani kwako, gadha dihantxhi dako u ya lwela ditshuri, u txi lwela txisiwana ni wo lulama mtamo wako wupune wu na kukomba sidiwukiso si u fanelako ku si maha.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Masalmo 119:54

Milayo yako ya ni ninga kuthula tindando, ka diya ditiko ani ni ku mpindi wa nzila.

Masalmo 5:12

Nguko awe u katekisa wule a mahako to lulama, wunene wako wa m'vhikela kufana ni txitxhavangu.

Masalmo 111:2

Mithumo ya Mkoma nja hombe yi lawako ngu votshe vale va manako kutsaka ka yona.