Masalmo 118:12 - Bhiblia Yo Sawuleka

¹² Va ni pomete nga ditshunzulu da tinombe; va txi tura nga mndilo wu ku hagari ka mipa, aniko ani ni va xute ngu ditina da Mkoma.

Masalmo 118:12 Referans Kwoze

Dhewuteronome 1:44

Se Vaamori, vale va nga aka txitimwi ka mmango, va to huma konako va txi mi hingeta, ve mi tutumisa nga tinombe, aha va nga mi khozisa kukhukhela Seyiri, kala Horima.

1 Samuwele 17:45

Kambe Dhavhidha a to khene ka Mufilista: Awe uta kwangu wu di ni ditxhari, ni mseve, ni txivhikelo; kambe ani ni ta kwako ngu ditina da Mkoma wa Mabutho a Tiyimbi, i ku Txizimu txa Mabutho a Tiyimbi a ka Israyeli, awule wu mruketelako.

Masalmo 20:5

Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.

Ekleziyaste 7:6

Nguko diguwa da kuseka ka txiphukuphuku di fana ni kutuma ka mipa, yi yi dhivelwako hahatshi ka khadi; eto ni tona mbukanganyisi.

Masalmo 20:1

Mkoma a na ku engise ka ditshiku da kupandiseka; Ditina da Txizimu txa Jakobe di na ku vhikele.

Masalmo 58:9

Tikhadi tawe ti sanzi kuhala ngu kupfa mndilo wa tikhuni to nakana mwendo to oma, ti na hangalaswe ngu txihuhuri ti tshotshwa kule.

Masalmo 8:9

Mkoma, Mkoma wathu, ditina dako di ni nduma ka otshe mafu!

2 Samuwele 23:6

Kambe vanana va Bheliyali votshe va na fana ni mipa yo tshotshwa kule, nguko kha ti koteki ku yi ñola ngu manza.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Isaya 27:4

Kha ku nga ni kuhenya kwangu; i mani a ndi no veka sitxhotxhota ni mipa masoni kwangu yimbini kani? Ani ni ndi na va wukela, ni va hisa.

Isaya 33:12

Se vathu va na nga wuhya wa dibumba, va nahya ngu mndilo, kufana ni mipa yile yi nga gangelwa.