Masalmo 115:3 - Bhiblia Yo Sawuleka

³ Aniko Txizimu txathu txi nzumani; txa maha totshe ti txi ti lavako.

Masalmo 115:3 Referans Kwoze

Masalmo 135:6

Totshe ti Mkoma a ti lavako ene wa ti maha, ha mafuni ni nzumani, lineneni ni ka otshe makhalo a kueta.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Varoma 9:19

Sekoko u na khawe kwangu: “Se Txizimu txi sola txani kambe kani? Nguko i mani a sikotako kulamba kuranda ka txona kani?”

Masalmo 2:4

Awule a zumbako nzumani wa va seka, Mkoma wa va tseketsela.

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

Masalmo 123:1

Ni gula maso angu ni txi wonetela awe, awe Mkoma, u zumbako nzumani.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

Masalmo 68:4

Embelelani ka Txizimu, embelelani tindando mi dhumisa ditina da txona, dhumisani awule a tsimbilako txitimwi ka marefu. Ditina dakwe i Txizimu! Tsakani masoni kwakwe!

Jobe 23:13

Se ngako Txizimu txi txi wukela wokari, sekoko i mania waku a nga txi jikisa kani? Ati ti lawako ngu moya wa txona, txi na maha toneto.

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.