Masalmo 114:3 - Bhiblia Yo Sawuleka

³ Mbimo yi linene li nga oma, li to thava se mnambo wa Jordhani wu tshumelela msana.

Masalmo 114:3 Referans Kwoze

Masalmo 77:16

Mbimo yi linene li nga kuwona awe Txizimu, li to thava; ni kutshimani ka mati ku to dhudhumela.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Habhakuki 3:15

Awe ni mahantxhi ako mi tsimbite ngu linene, ngu ka mavimbi a hombe.

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Masalmo 106:9

Txizimu txi kawukile Linene lo Bhilivila, se linene li txi phwa. Txi va txhatukisile ngu ha kuetani ka linene, va txi nga vo tsimbila txiwulani.

Masalmo 104:7

aniko awe u ma kawukile, se ona me thava, se ma di engisile kudhinda ka dipswi dako, ma to kuluveta me phwa.

Masalmo 74:15

U khulongisile sisima ni milonga u txi womisa minambo ya mati a mtamo.

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Masalmo 77:17

Marefu ma to wisa mati a ona; kudhuma ka singwalangwanda ku to pfala nzumani ni tinyangafula tako ti to humelela ka otshe madhawa.