Masalmo 114:1 - Bhiblia Yo Sawuleka

¹ Mbimo yi Vaisrayeli va nga huma ngu Egipta, txikhati txi nyumba ya Jakobe yi nga rura ditikoni ka vanyamthuvo,

Masalmo 114:1 Referans Kwoze

Masalmo 81:5

Mthetho wu va nga ningwa vanana va Josefa, mbimo yi va nga huma ngu Egipta. Ni engisile dipswi di ni si ziviko ku di pfa, di txi kha dona:

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Genesisi 42:23

Kambe va ti si ti zivi ti to Josefa wa va engisa, nguko a ti womba-womba navo ngu mtxhamuseli.

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Dhewuteronome 16:1

Xayisa mtxima wa Abhibha, u mahela Mkoma, Txizimu txako, Pasika, nguko mtxima wa Abhibha ngu wona mtxima wule Mkoma, Txizimu txako, a nga kuhumisa ngu ka wona, ni wusiku, ditikoni ka Egipta.

Dhewuteronome 26:8

Se Mkoma a to hi humisa ditikoni ka Egipta ngu dianza da mtamo, ni diwoko do nawulutwa, hagari ka kudhuka ka hombe, kumweko ni sikombiso ni sidiwukiso;

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Masalmo 81:6

“Ni humutile makata ako kurwala mrwalo wa kunemela; ni humutile manza ako kurwala masaka.