Masalmo 113:6 - Bhiblia Yo Sawuleka

⁶ Txi di kona txitimwiyo txona txa nama kasi kuwona si si ku nzumani ni si si ku hahatshi ha mafuni.

Masalmo 113:6 Referans Kwoze

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Isaya 6:2

Txitimwi kwakwe ku ti emile maserafima; dimwani ni dimwani di ti ti ni mtxhanu wa tibhapi ni limwelo: Ngu timbidi ma to fenengeta tikhohe ta ona, ngu tibimdi me fenengeta mikondo, se ngu timbidi me puruma ngu tona.

Jobe 15:15

Wonani taku, nga thembisa kutxani vasawuleki va txona, hambi nzuma yi nga mbi sawuleka masoni ka txona.

Jobe 4:18

Txizimu kha txi thembi tingelozi ta txona, kambe txa mana tingelozi ti di xangile.

Jobe 28:24

Nguko txona txa wona magwito ka mafu; kambe txa wona sotshe si si kuho hahatshi ka nzuma.

Masalmo 33:14

Mkoma wa va wona votshe vathu va hanyako ha mafuni.