Masalmo 113:5 - Bhiblia Yo Sawuleka

⁵ I mani a fananako ni Mkoma, Txizimu txathu, txi zumbako txitimwi ngutu.

Masalmo 113:5 Referans Kwoze

Masalmo 89:6

I mani a ku nzumani a dinganako ni nawe, kani Mkoma? I mani, hagari ka sivangwa sa nzumani, a dinganako ni nawe, kani Mkoma?

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Isaya 40:25

Mi na ni fananisa ni mani koko, kasi ku ni txi fana nayo kani? Kuwomba Msawuleki.

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Masalmo 89:8

Mkoma, Txizimu txa mtamo wotshe, kuwalo wo fana ni nawe! Mtamo ni kuthembeka kwako si ku randete.

Isaya 40:18

Mi nga txi fananisa ni mani koko Txizimu, mwendo mi nga txi fananisa ni txani kani?

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Isaya 16:5

Nguko txikhalo txa wukoma txi na tsaniswa ngu wumbilu, se txitimwi ka txona ku na zumba mlamuli, amu ditendani ka Dhavhidha, awu a no lamula, a lavako wululamo, kambe a kuluvetako kumaha ta tinene.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

Masalmo 89:9

Awe wa fuma linene, ngako li txi kukumuka u txi tengisa mavimbi a lona, ngako ma txi vhiluka.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.