Masalmo 112:4 - Bhiblia Yo Sawuleka

⁴ M'thu wo lulama a fana ni liwoningo li woningako txidemani; ene ana ni wuxinji, ni wumbilu, ni wunene.

Masalmo 112:4 Referans Kwoze

Jobe 11:17

Se wutomi wako wu na woneka wu txi guleka, kufana ni mitshikari; hambi ku txo va ni txidema, ku na fana ni mixo.

Isaya 58:10

se ngako u txi tula muhefemulo wako ka wule a ku ni nzala, ni kukhurisa muhefemulo wo xaniseka, sekoko liwoningo lako li na tura txidemani, ni kuphuma, kwako ku na fana ni hagari ka mitshikari.

Masalmo 97:11

Kuwonekela kuwoninga vathu vavanene, ni litsako li rinzela ava va timbilu to lulama.

1 Johani 3:7

Sivananananu, m'thu a nga thuke e mi timeta. Awu a mahako to lulama, a lulamile kufana ni nene Jesu a nga lulama.

Luka 6:36

Telwani ngu wunene, nga Tate wanu nene a ku ni wunene.”

1 Johani 2:29

Ngako mi ti zivako ti to ene a lulamile, ti ziveni ti to wuhi ni wuhi a mahako to lulama, a velekilwe ngu ngene.

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Vaefesu 5:9

Nguko mihando ya liwoningo ngu wunene ni kululama ni ditshuri.

Johani 12:46

Ani ni liwoningo, ni tile ha mafuni, kasiku wuhi ni wuhi a kholwako kwangu, asi thuki e zumba txidemani.

Masalmo 37:6

Ene a na wonekelisa kululama kwako ni fanelo yako kufana ni ditambo di woningako ni mitshikari.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Vaefesu 5:15

Ti di ngeto, wonisisani ta tinene mahanyelo anu; mi nga hanyiseni ku nga vathu va va si ziviko, aniko hanyani nga vathu va va zivako,

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Jobe 22:28

U txi ti emisela ka mhaka yokari, txi na va mtsanisi wako, se liwoningo li na phatima amu ka tinzila tako.

Jobe 29:3

Mbimo yile txi nga ti ti phatimisa dilambu da txona ha msungo kwangu, se ani, ngu liwoningo la txona, ni ti ti tsimbila mtemani;

Masalmo 116:5

Mkoma ana ni wumbilu ni kululama, Txizimu txathu txi na ni wumbilu.

Masalmo 145:17

Mkoma a lulamile ka totshe tinzila takwe, ni kusawuleka ka yotshe mithumo yakwe.

Mavingu 21:21

Wule a londetako kululama ni wunene, a na mana wutomi, kululama ni kudhundeka.

Isaya 58:8

Sekoko liwoningo lako li na huma kufana ni wuronga, se kukalamuka kwako ku na mila ngu kukuluveta, ni kululama kwako ku na thangela masoni kwako, se wudhumo wa Mkoma wu na va msana kwako.