Masalmo 110:6 - Bhiblia Yo Sawuleka

⁶ Ene a na lamula mifumo sirumbi si na mbambamela ka otshe makhalo; ene a na ganyatela vafumeli va dotshe ditiko!

Masalmo 110:6 Referans Kwoze

Masalmo 68:21

Kambe Txizimu txi na fayetela ngutu misungo ya valala va txona ni sikwakwa sa didzidzi, sa vale va omelelako minanduni kwawe.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Johani 5:22

Tate kha lamuli m'thu ni wammweyo, aniko a ningile Mwanana kulamula kotshe.

Mika 4:3

Se txi na lamula vathu vavangi, kambe txi na tsayisa matiko a mtamo, kala ni ale a kule, txi na hundulusa matxhari awe me maha misuka, ni tingove tawe ti maha masikela; ditiko dimwedo kha di na mbi guleta ditxhari do lwisa dimwani ditiko; se kha va na mbi gonda kambe kulwa yimbi.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Mtuletelo 14:20

Mauvha ma to ya sukwa nzekani yi nga ti hahanze ka didhoropa, se ngu ka yona nzeka yile ku to huma mnoha, awu ngu kutala ka wona wu nga hokela matomu a mahantxhi, wu txi hangalakisa toneto ka mnava wa mazana mararu a makilometru.

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.

Habhakuki 3:13

Awe u humile kuya hulukisa vathu vako, kuya hulukisa msawuleki wako; awe u gangile msungo wa nyumba ya wo biha, u fumbula makhato a nyumba kala magwito. (Selahi)

Ezekhiyele 39:4

Awe ni dotshe dibutho dako da yimbi, mi na yawa mimangoni ka Israyeli, ni vathu va va ku ni nawe; u na dyiwa ngu makoti, ni sotshe sinyana si ku ni tibhapi, ni sihari sa txitinga.

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Isaya 42:1

Wonani Txithumi Txangu, txi ni txi seketelako, Msawulwa wangu, awule moya wangu wu mtsakelako; Ni vekile Moya wangu txitimwi kwakwe; a na humisa kululama hagari ka vamatiko.

Isaya 11:3

Se a na tsakela kuthava Mkoma, kha na mbi lamula madingano ni kuwona ka maso akwe, hambi kuwila mhaka madingano ni kuengisa ka tinzeve takwe;

1 Samuwele 2:10

A va valwako ni Mkoma va na phwaraselwa; a na va dhindela a di nzumani; Mkoma a na lamula magwito a mafu, ni kuninga mtamo ka mfumeli wa ona, kambe a na guleta wukoma wa msawuleki wakwe.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Masalmo 68:22

Mkoma a wombile a txi khene: “Ni na tisa ngu Bhasani valala vako, ni na va tisa ngu hahatshi ka linene.