Masalmo 110:4 - Bhiblia Yo Sawuleka

⁴ Mkoma a xambanyile kha na mbi tshumelela msana: “Awe u mphaxeli kala kupinduka, madingano ni mlayo wa Melkisedheki.”

Masalmo 110:4 Referans Kwoze

Vahebheru 7:17

Nguko, Mibhalo yo Sawuleka yi mahile wufakazi wa tito: “Awe u mphaxeli kala kupinduka madingano ni mlayo wa Melkisedheki.”

Vahebheru 5:6

Kota nga ti a wombako kambe ka wumwani wukhalo a txi khene: “Awe u Mphaxeli kala kupinduka madingano ni mlayo wa Melkisedheki.”

Vahebheru 7:21

Aniko, Jesu a mahilwe Mphaxeli ngu kuxambanya ka wule a nga khene: “Mkoma a xambanyile, kambe kha na mbi txitxa makungo akwe: Awe u Mphaxeli kala kupinduka.”

Genesisi 14:18

Melkisedheki, mfumeli wa Salema, a to tisa dipawu ni vhinya, ene i ti mphaxeli wa Txizimu Nyatxitimwi.

Vahebheru 7:28

Kha ditshuri, mlayo wu vekile vaphaxeli va i nga ti vathu va dikhodo. Aniko, dipswi da txixambanyo di nga humelela msana ka Mlayo wa Mosi, di vekile Mwanana wu i ku Mphaxeli wa kuhetiseka ngu ha ku si gwitiko.

Vahebheru 7:11

Ngu toneto, idiku wuphaxeli wa Levhi i ti wo hetiseka, ngako vathu va nga amukela mlayo hahatshi ka wona wuphaxeli wonewo, ti mahisa kutxani kulaveka wumwani wuphaxeli madingano ni wa mlayo wa Melkisedheki, i si nga madingano ni mlayo wa Aroni, kani?

Vahebheru 6:20

Ahawa a nga wulela kona Jesu ngu mhaka yathu, kota mthangeli, e mahwa Mphaxeli wa Hombe, madingano ni mlayo wa Melkisedheki.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Zakariya 6:13

Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi.

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.