Masalmo 110:2 - Bhiblia Yo Sawuleka

² Mkoma a na rumela ngu Siyoni ndonga yako ya mfumo; fuma txitimwi ka valala vako!

Masalmo 110:2 Referans Kwoze

Jeremiya 48:17

Xanisekani kumweko nayo, anu motshe mi ku madhawani kwakwe, ni nanu motshe mi zivako ditina dakwe.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Mika 4:2

Se matiko amangi ma na ya ma txi ya kha ona: Ngonani, a hi kweleni mmangoni ka Mkoma, ni Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma ngu Jerusalema.

Ezekhiyele 47:1

Msana keto, a to ni wuyiswa ka txike txo wulela ngu txona nyumbani, se ku ti ti huma mati ngu hahatshi ka msasimo wa nyumba, ngu wutxani; nguko masoni ka nyumba ku ti ti rendekete wutxani, mati ma ti ti ta ngu hahatshi, kukhukhela ka didhawa da txinene ka nyumba, ni didhawa da wuphemba kala txiluveloni.

Ezekhiyele 19:14

Ngu ka ndonga yimweyo ya madhavi a wona ku to huma mndilo, wu tshokomisa mihando ya kona, kha kuswi kumaneka ni ya yimweyo ndonga yo banga, yo fuma ngu yona. Atxiya njidilo, txi no thumela kumaha txidilo.

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Masalmo 72:8

Ene a na fume kukhukhela ka limbe linene kala ka limwani, kukhukhela ka mnambo wa Ewufrate kala magemeta-mitshi ka mafu.

Eksodha 8:5

Mkoma a to khene kambe ka Mosi: “Gela Aroni u txi khawe: Guleta dianza dako kumweko ni ndonga yako txitimwi ka minambo, txitimwi ka milonga ni magova, u txi maha ti to ma txi tala makhele txitimwi ka ditiko dotshe da Egipta.”

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Eksodha 7:19

Mkoma a wombile kambe ka Mosi, a txi khene: “Gela Aroni u txi khawe: Teka ndonga yako u txi guleta dianza dako txitimwi ka mati a Egipta, txitimwi ka minambo yawe, txitimwi ka milonga yawe, txitimwi ka magova awe ni txitimwi ka sisima sawe sotshe, kasi mati ma na txitxeka ma txi maha mnoha. Wu na maneka mnoha mu ditikoni kotshe ka Egipta, hambi ni mu ka siya so vatwa mwendo sa marigwi!”