Masalmo 110:1 - Bhiblia Yo Sawuleka

¹ Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Masalmo 110:1 Referans Kwoze

1 Vakorinto 15:25

Nguko ta laveka ti to Kristu e fuma, kala kuza e veka votshe valala hahatshi ka mikondo yakwe.

Vahebheru 1:13

Mwendo ngu ka yihi ngelozi, Txizimu txi nga yi gela, hambi ditshiku da dimwedo, txi txi kha txona: “Khalahatsha txineneni kwangu, kala kuza ni maha ava i ku valala vako txikhigelo txa mikondo yako,” kani?

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Masalmo 8:6

U mningile kufuma sotshe si u nga si maha, sotshe u si vekile hahatshi ka mikondo yakwe:

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Vakolosa 3:1

Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Masalmo 8:1

Awe Mkoma, Txizimu txathu, ditina dako di ni nduma ka otshe mafu! Ni na pfalisa wudhumo wako wu nga guleka txitimwi ka Nzuma.

Luka 22:41

Sekoko, e phawuka kwawe, a txi ya kule nyana ka kudingana kurinzwa ka dirigwi, ahawa a nga ya khizama, e khongela, a txi khene:

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

Masalmo 109:20

Mkoma a na tsayise nga toneto valala vangu, ni vale va wombawombako kubiha ngu ngani!

Zakariya 6:13

Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi.