Masalmo 11:7 - Bhiblia Yo Sawuleka

⁷ Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.

Masalmo 11:7 Referans Kwoze

Mtuletelo 22:4

Si na wona khohe ya txona, ni ditina da txona, di na bhalwa ha timbanza ka sona.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

1 Pedro 3:12

Nguko, maso a Txizimu ma woneleta va vo lulama, ni tinzeve ta txona tiengisa mikombelo yawe; aniko, khohe ya Mkoma yi thuvikela ava va mahako to biha.

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Jobe 36:7

Kha txi thavisi maso a txona ka vo lulama; kukhata txa veka vafumeli yotshe mbimo, se ngu kumaha keto va guletwa.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 34:15

Maso a Mkoma ma wonetela vo lulama ni tinzeve takwe ti engisela huwa yawe.

Masalmo 33:18

Mkoma ngene a xayisako ava va mthavako, avale va thembako wunene wakwe,

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Masalmo 33:5

Mkoma yotshe mbimo a lava kululama ni ditshuri; lirando lakwe la tata ditiko dotshe!

Masalmo 21:6

U mningile makatekwa o mbi na magwito; u mninga kuhanya masoni kwako a di tate ngu litsako.

Masalmo 5:12

Nguko awe u katekisa wule a mahako to lulama, wunene wako wa m'vhikela kufana ni txitxhavangu.

Isaya 61:8

Nguko ani Mkoma, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.

Masalmo 146:8

Mkoma wa tula maso a mabhofu; Mkoma wa wusa vale va thidhelako Mkoma wa randa vo lulama.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Masalmo 7:11

Txizimu i mlamuli wo lulama, txona txa nyenyana ni txionho yotshe mbimo.

Masalmo 37:28

Mkoma a randa kululama ene kha leki vathu va va mthembako. Ene wa va vhikela yotshe mbimo, aniko liveleko la vabihi li na fuviswa.

Masalmo 45:8

Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

Mavingu 15:9

Nzila ya muonhi njinyenyeko ka Mkoma, aniko ene a randa wule a tsimbilako ngu kululama.