Masalmo 11:6 - Bhiblia Yo Sawuleka

⁶ Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Masalmo 11:6 Referans Kwoze

Ezekhiyele 38:22

Se ni na mlwisa ngu mitungu ni kutheketa mnoha; ni na wisa mati a ndambi, ni marigwi a hombe a maralala, mndilo ni txivavula ni na si wisa txitimwi kwakwe, ni txitimwi ka masotxhwa akwe, ni ka votshe vathu votala va no maneka va di ni nene.

Genesisi 19:24

Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

Ezekhiyele 13:13

Ngu mhaka yeto Mkoma Txizimu a khene: Moya wo juja ngutu wu na bhanda diseta ngu kuhenya kwangu, kambe ma na wa mati a hombe ngu mu ka txiviti txangu, ni mabwinzi a hombe a maralala ngu mu ka kuhenya kwangu, kasi ku di tshokomisa.

Luka 17:29

Aniko ditshiku di Loti a nga huma ngu dona Sodhoma, mndilo ni txivavula si to wiswa ngu nzuma, si va daya votshe.

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Jobe 20:23

Hambi si diho so khurisa mrumbu wakwe, kambe Txizimu txi na rumela kutura ka kuhenya ka txona, se Txizimu txi na rumela kuhenya txitimwi kwakwe a txi ya kudyani.

Jobe 18:15

Ditendani kwakwe a na ya zumba wule i nga ti si nga ene; ku na xwayelwa txivavula txitimwi ka nyumba yakwe.

Johani 18:11

Aniko Jesu a to gela Pedro, a txi khene: “Txhomeka ditxhari dako msavani ka dona. Kha ni na mbi sela digombe da sixaniso di ni nga ningwa ngu Tate kani?”

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Masalmo 105:32

Ha wukhaloni ka mati Txizimu txi to nisa maralala ni midhikila ya mndilo ha ditikoni kotshe.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Masalmo 16:5

Mkoma, awe u txyavelo txangu, digombe di di ni lumbako; wutomi wangu wu manzani kwako.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

1 Samuwele 9:23

Sekoko Samuwele a to khene ka mbhiki: Wuyisa nyama yile ni nga ku ningete, yile ni nga kugela ni txi kani: Yi veke didhawa!

1 Samuwele 1:4

Se ku to maheka tito, ditshiku di Elikana a nga ti ti maha mhamba, a ti ti ninga didhawa da mhamba ka Penina msikati wakwe, ni ka votshe vanana vakwe va majaha, ni votshe vanana vakwe vamahorana.

Genesisi 43:34

Aniko ene a to phamela vanawe sakudya sakwe sa ha mezani kwakwe, a txi phamela Bhenjamini sakudya sa kupinda mtxhanu wa kona asi a nga phamela mmweyo ni mmweyo ka votshe vamwanyani vanawe. Se vona ve sela, va txi busa nayo.

Jobe 18:10

Ku ni dibzweto di nga sisala hahatshi ka mafu; se ni mlawu wu ku ha ka lisoko.

Masalmo 18:13

Mkoma a to dhinda a di nzumani, Nyatxitimwi a huwelete ngu dipswi dakwe.

Masalmo 32:10

Timhaka tatingi ta xanisa vathu vo biha, aniko lirando la Mkoma, li ranganyeta avale va mthembako.

Jeremiya 13:25

Atxiya ngu txona txiningo txako, atxi ni ku dinganako, kuwomba Mkoma; nguko u ni divate, u themba makuhu.