Masalmo 11:5 - Bhiblia Yo Sawuleka

⁵ Mkoma wa duka m'thu wo lulama ni wa kubiha, ene wa nyenya avale va dhundako wurena.

Masalmo 11:5 Referans Kwoze

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

1 Pedro 4:12

Vo randeka ngutu, mi nga dhukisweni ngu mndilo wa kudukwa, wu wu nga dhivelwa hagari kwanu, nga ku to humelela txo mbi txi ziva.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Masalmo 26:2

Ni xolisise, Mkoma, u txi ni duka; xolisisa minavelo yangu ni mialakanyo yangu.

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Genesisi 22:1

Se msana keto timhaka, ku to maheka ti to Txizimu txi xola Abrahamu, txi m'gela tiya: “Abrahamu!” Ene a to orovela, a txi khene: “Niho hawa!”

Masalmo 21:8

Dianza da Mkoma di na ñola votshe valala vako; dianza dako da txinene di na tsayisa votshe va va ku vengelako.

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Jeremiya 12:8

Thomba yangu yi ni wukela ku nga ngonyamo amu txitingani; yi ni bongela, ngukonaho, ni swirekile ngu yona.

Masalmo 139:1

Mkoma, awe u ni xolisisile, se awe wa ni ziva.

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

Malakiya 3:3

Se a na khalahatshi e nyivilikisa ni kubasisa silivhela, kambe a na basisa vanana va ka Levhi, ni ku va nyivilikisa va txi nga nzalama, ni silivhela; sekoko, va na tisa miningelo ka Mkoma ngu kululama.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Masalmo 5:6

wa fuvisa ava i ku vamakuhu. Wa nyenya sigevenga ni vakanganyisi.

Jeremiya 20:12

Aniko, Mkoma wa Mabutho a Tiyimbi, awe u xolako va vo lulama; awe u wonako mapimo awe ni timbilu. Ni na wona ngako u txi ni pharelela ka vona, nguko ni kuzivisile mhaka yangu.