Masalmo 109:7 - Bhiblia Yo Sawuleka

⁷ A na lamulwe, a txi abaniswa; mkombelo wakwe wu na hinduke wu maha txionho!

Masalmo 109:7 Referans Kwoze

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Vagalatiya 3:10

Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.