Masalmo 109:14 - Bhiblia Yo Sawuleka

¹⁴ Txizimu txi na alakanye sionho sa vatate vawe mame wakwe a nga divalelwe sionho sakwe

Masalmo 109:14 Referans Kwoze

Nehemiya 4:5

U nga fenengete wubihi wawe, kambe si nga pfhutwe masoni kwako sionho sawe, nguko va ku henyisile masoni ka vaaki.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

2 Vafumeli 11:1

Mbimo yile koko Ataliya, mwamwa Akaziya, a nga wona to mwanana wakwe a datwe, a to wuka e lovisa lihunzu la mfumeli.

2 Vafumeli 9:27

Mbimo yile Akaziya, mfumeli wa ka Judha, a nga wona tile ti nga maheka, a to tutuma ngu nzila ya thembweni, aniko Jehu a to mlondeta, a txi khene: Mpekeni nene Akaziya amu ka txikotxikani txakwe, wa kwelela kuya Guri, hafuhi ni Ibleyawu. Se a to tutuma a txi ya Megidhu, eya fela kona.

2 Vafumeli 8:27

Se a to tsimbila ngu nzila ya nyumba ya ka Akabe, e maha wubihi masoni ka Mkoma, kufana ni nyumba ya ka Akabe, nguko i ti ti mwane wa nyumba ya ka Akabe.

2 Samuwele 21:1

Se ka masiku a Dhavhidha ku to maneka nzala mndani ka malembe mararu o londetelana; kambe Dhavhidha a to wotisa ka Mkoma, aniko Mkoma a to khene kwakwe: I mhaka ya Sawule ni nyumba yakwe ya wudayi, nguko va theketile mnoha wa Vagibheyoni.

2 Samuwele 3:29

U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.

Levhi 26:39

Va ka kwanu, avale va no va i di misalela amu ditikoni ka valala vanu, va na nyameka kudotho-kudotho, ngu mhaka ya wuphuta wawe, amu ditikoni ka valala vawe, kambe va na goma ngu mhaka ya wubihi wa vatate vawe.

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”