Masalmo 108:8 - Bhiblia Yo Sawuleka

⁸ Gileyadhi ni Manasi va ni lumba; Efrayime njigoko txa msungo wangu se Judha i ndonga yangu ya wukoma.

Masalmo 108:8 Referans Kwoze

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Masalmo 122:5

Nguko koneyo siho sikhalo sa wulamuli, sikhalo sa wulamuli sa nyumbani ka Dhavhidha.

2 Samuwele 2:8

Kambe Abhineri, mwana Neri, mthangeli wa dibutho da yimbi da Sawule, a to teka Isibhosete, mwana Sawule, e mu yisa Mahanayime.

1 Samuwele 28:4

Se Vafilista va to sengeletana, veta, ve ta gova Sunemi; se Sawule a to sengeleta votshe va ka Israyeli veya gova Gilibhowa.

2 Samuwele 5:5

Kona Hebroni a to fuma Judha mtxhanu wa malembe ni mambidi ni mtxhanu wa mtxima ni wumwewo; se kona Jerusalema a to fumela votshe va ka Israyeli ni va ka Judha magumi mararu a malembe ni mararu.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”