Masalmo 108:7 - Bhiblia Yo Sawuleka

⁷ Txizimu txi wombile nyumbani ka txona ko sawuleka, txi txi kha txona: “Ni na abanisa Sikemi ngu litsako ni txi pima ditheka da Sukote!

Masalmo 108:7 Referans Kwoze

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Amosi 4:2

A xambanyile Mkoma Txizimu, ngu wusawuleki wakwe, ta ku masiku ma nata txitimwi kwanu, ale va no mi humisa ngu tindowo, ni vanana vanu ngu tindowo to dota ngu tona.

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

Joxuwa 20:7

Sekoko va to sawula Kedhesi, ditikoni ka Galileya, mmangoni ka Naftali, ni Sikemi, mmangoni ka Efrayime, ni Kiriyati-Aribhe, i ku Hebroni, mmangoni ka Judha.

Joxuwa 17:7

Muhingano wa ka Manasi wu khukhela Aseri kala Makimetati, ngu masoni ka Sikemi, se wu txi longoloka wu txi ya didhawa da wulambwe ngu txineneni ka kuya Eni-Tapuwa.

Genesisi 33:17

Aniko Jakobe a to teka nzila ya kuya Sukote, aho a nga ya aka kona nyumba ni sibala sa sifuyo sakwe; ngu mhaka yeto, wukhalo wule wu dhanwa ngu ditina daku i Sukote.

Masalmo 60:7

Gileyadhi ni Manasi va ni lumba; Efrayime mtamo wa msungo se Judha i ndonga yangu ya wukoma.