Masalmo 108:6 - Bhiblia Yo Sawuleka

⁶ Amukela mkombelo wathu, u hi hanyisa ngu diwoko dako da txinene! Kasiku vathu va u va randako ve hanyiswa!

Masalmo 108:6 Referans Kwoze

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Dhewuteronome 33:12

Ngu didhawa da Bhenjamini, a ti khene: “Ene njirandwa txa Mkoma, a na humula ngu kuthutha hafuhi kwakwe, Nyatxitimwi a na mfenengeta kala kupinduka, e zumba makatani kwakwe.”

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Masalmo 54:1

Ni hanyise, awe Txizimu! Kulisa ditina dako! Komba mtamo wako, u txi ni lamulela!

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.

1 Vafumeli 18:24

Sekoko khongelani ka ditina da txizimu txanu, se ani ni na khongela ka ditina da Mkoma; se ku na maheka ti taku txizimu txi txi no xamula ngu mndilo, etxo txi nave txona Txizimu. Se votshe vathu va to xamula va txi kha vona: Ndinene dipswi diya.

2 Samuwele 12:25

Se a to rumela ngu dianza da mprofeti Nathani, se ene a to mraya ditina daku i Jedhidhiya, ngu kuranda ka Mkoma.

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

1 Vafumeli 18:26

Se va to teka dirole dile va nga ningwa, ve di lulamisela; se va to khongela ditinani ka Bhahali, kukhukhela ni mixo kala ni hagari ka mitshikari, va txi kha vona: Awe Bhahali, hi xamule! Aniko kha ka pfala dipswi, hambi ni wo xamula; na va txi ndaka-ndaka txitimwi ka txiluvelo txile txi nga ti mahilwe.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.