Masalmo 107:3 - Bhiblia Yo Sawuleka

³ a va wuyisile ngu matikoni, ka wutxani ni ka mswa-ditambo, ka Wuphemba ni ka Wulambwe.

Masalmo 107:3 Referans Kwoze

Masalmo 106:47

Hi hanyise, Mkoma, Txizimu txathu! Hi humise hagari ka vamatiko, u txi hi sengeleta, kasi ku hi txi kubonga, Txizimu txo Sawuleka hi txi kutsakela ngu ku kudhumisa.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Ezekhiyele 39:27

Ni txi na va ni di va tshumetile ve wuya ngu hagari ka vathu, ni kuva ni di va tshanganisile ngu ka matiko a valala vawe, ve maneka va ti sawulekisilwe masoni ka mamwani matiko.

Ezekhiyele 36:24

Aniko ni na mi teka hagari ka matiko, ni txi mi sengeleta ngu ka otshe matiko, ni mi wuyisa ditikoni kwanu.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Jeremiya 31:8

Ni na va wuyisa ngu ditikoni ka Wuphemba, ni txi va sengeleta ngu magemeta-mitshi ka mafu; kumweko navo, ku ni mabhofu ni silima, vo khosa, va na wuya i ti didhendele da hombe.

Dhewuteronome 30:3

Sekoko Mkoma, Txizimu txako, a na kuhumisa ka wukhumbi wako, a txi ku mahela wumbilu; a na ku engisa, a txi ku tsanisa, u huma ngu ka otshe matiko ale a nga ti ku hangalisete ka ona.

Ezekhiyele 20:34

Kambe ni na mi thavisa hagari ka vathu, ni txi mi sengeleta ka matiko ale mi nga hangalaka ka ona, ngu dianza da mtamo, ni diwoko do nawulutwa, ni kuhenya ku nga theketwa.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Isaya 49:12

Wonani, taku va nata ngu kule, wonani taku avale va wuphemba ni va mswa-ditambo, ni vale vamwani va ditikoni ka Sinimi.

Isaya 54:7

Ngu mbimo yayidotho ni ku lekile, kambe ni tshumete ni ku wuyisa ngu wumbilu wa hombe;