Masalmo 104:21 - Bhiblia Yo Sawuleka

²¹ Tingonyamo ta bhonga ti txi xota nyama, ti kombela ka Txizimu sakudya sa tona.

Masalmo 104:21 Referans Kwoze

Jobe 38:39

Ina ngonyamo ya mkati u nga yi xotela nyama, mwendo u nga malata nzala ya sigonyamwana,

Joyeli 1:20

Ni sotshe sihari sa txitinga sa dila kwako; nguko minambo yi omile, se mndilo wu hisile wudyiselo wa txiwulani.

Masalmo 34:10

Vanyatithombe va maha sisiwana, va pfa nzala, aniko ni txa tximwetxo kha txi pwateki ka vale va lavako Mkoma.

Joyeli 2:22

Mi nga thaveni anu sihari sa txitinga, nguko wudyiselo wa txiwulani wu na va mkungu, nguko mindonga yi na ninga mihando ya yona, vhinya ni mkuwu si na ninga mtamo wa sona.

Amosi 3:4

Ina ngonyamo yi nga bhonga txitingani na yi sa ñola txilo kani? Hambi txingonyamwana txi nga guleta dipswi diphalani na txi sa ñola txilo kani?

Joyeli 1:18

Eto si dilisako tona sifuyo! Mitxhambi ya tihomu ta vamakati ya kanganyiseka, nguko kha yi nga ni ko dya kona; ni yona mitxhambi ya tinvuta ya hetwa.

Isaya 31:4

Nguko Mkoma a ni gete tiya: Kufana ni kubhonga ka ngonyamo ni ka txingonyamwana, na ti di mani mpfimba wa tona, hambi ti txi rambelwa dibutho da vadyisi, kha ti dhukiswi ngu mapswi awe, hambi kututuma ngu kuthava wungi wawe. Ngu toneto, Mkoma wa Mabutho a Tiyimbi, a na txhika kuya lwela mmango wa Siyoni, ni tximangwana txa kona.

Masalmo 147:9

a ningako ka sihari sakudya sa sona ni ka mavhondo a magwana, mbimo yi ma dilako.

Masalmo 145:15

Maso a votshe ma wonetela awe, kambe awe wa va ninga sakudya ngu mbimo ya kona.

Jobe 38:41

I mani a ningaho magwana sakudya, mbimo yile sisondo sa ona si dilako ka Txizimu, si txi peperukela ngu kupwata sakudya kani?