Masalmo 104:15 - Bhiblia Yo Sawuleka

¹⁵ Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

Masalmo 104:15 Referans Kwoze

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Ekleziyaste 10:19

Vathu va rambana kasi ku ta tsaka, ni vhinya yi tsakisa kuhanya, kambe sotshe si manwa ngu male.

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Valamuli 9:13

M'vhinya wu xamute wu txi kha wona: Ni nga leka vhinya yangu ya yiphya, ayi yi tsakisako Txizimu ni vathu, kasi ku ni txi ta fuma txitimwi ka yimwani mindonga kani?

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Masalmo 92:10

Ani u ni ningile mtamo wa nyari; u ni katekisile ngu ku ni tota mafura o bhumula ha msungo.

1 Johani 2:20

Se anu mi totilwe ngu kusawuleka, ma tiziva totshe.

Ezekhiyele 4:16

Sekoko a to ni gela ku khene: Awe mwanana wa m'thu, wona taku ni na pwatekisa dipawu Jerusalema, se va na dya dipawu da didotho ni manyenyo; ni mati va na sela ngu kupimela ni kukalala;

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Valamuli 9:9

Muolivha wu to xamula wu txi kha wona: Ani ni nga lekisa kutxani mtona wangu, awu wu dhundwako ngu Txizimu ni vathu, kasi ku ni txi ya fuma txitimwi ka yimwani mindonga kani?

Luka 7:46

Awe khwa ni tota msungo ngu mafura, aniko ene a ni totile mikondo yangu ngu mafura o bhumula.

Isaya 3:1

Nguko wona taku Mkoma, Txizimu txa Mabutho a Tiyimbi, a na thavisa ka Jerusalema ni ka Judha, ndonga ni mtxheketelo, ni otshe mati o tima ditora.

Ekleziyaste 8:1

I mani a fanako ni txhari kani? Niku i mani a zivako kutxhamusela to maha kani? Wutxhari wa m'thu wa maha khohe yakwe yi phatima, ni kukhwanyela ka khohe yakwe ka txitxa.

Mavingu 31:6

Ningani so sela ka vale va lovako, ni vhinya ka vale va si tsakiko dihikani kwawe;

Masalmo 105:16

Txizimu txi vangile nzala txitimwi ka otshe mafu txi lovisile tithembwe totshe ta fulaho.

Dhewuteronome 28:40

U na va ni miolivha kotshe ditikoni kwako, aniko khu na mbi tola mafura a kona, nguko mihando ya kona yi na mora.

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

Levhi 26:26

Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Marku 14:23

Ngu msana a to teka digombe a txi bonga, a txi va ninga. Votshe va sete ngu dona.

Ezekhiyele 14:13

Awe mwanana wa m'thu, ngako ditiko dokari di txi ni onhela, di txi ni wukela ngutu, sekoko ni na nawuluta dianza ni txi di tsayisa, se ni na kengeta dipawu, ni na rumela nzala ka dona, ni na thavisa ka dona vathu ni sihari;

Ezekhiyele 5:16

Mbimo yi ni no va rumela miseve ya nzala yo thisa, ni va lwisa kasi ku va fuvisa, ayi ni no yi rumela kasi ku mi fuvisa, sekoko ni na engetela nzala txitimwi kwanu, kambe ni na mi keleta dipawu.

Genesisi 18:5

Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

Valamuli 19:5

Se ku to maheka taku ka ditshiku da wumune, ve phindula, se Mlevhi e wuka kasi ku a txi khukha, sekoko tate wa dihorana a to khene ka mwane wakwe: “Susula ngu txikhwemu txa dipawu, se msana keto mi na tsula.”

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Mavingu 31:7

kasiku ve sela, ve divala wusiwana, kambe va si alakanyi ni kuya kuthumani.

Isaya 55:10

Nguko nga ti nzuma ni huguva si txhikako ngu nzumani, si si tshumeleli kona, aniko sa nakanisa mafu, si ma maha me ninga dibhindu, ni kumilisa, ni kuninga mbewu ka wule a phayako, ni sakudya ka wule adyako,

Zakariya 10:7

Se va ka Efrayime va na nga tindena, mbilu yawe yi na tsaka nga va to sela vhinya, se vanana vawe va na wona ve tsaka, timbilu tawe ti na tsakela Mkoma.