Masalmo 104:13 - Bhiblia Yo Sawuleka

¹³ U di nyumbani kwako, txitimwi, wa nakanisa mimango; wa nonisa mafu ngu kuwa ka mati.

Masalmo 104:13 Referans Kwoze

Masalmo 147:8

Ngene a fenengetako nzuma ngu marefu, a lulamisa mati kasiku mewa ha mafuni kambe wa milisa mwasi txitimwi ka mimango;

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Dhewuteronome 11:11

Ditiko di mi yako ka dona, kasi kuya di teka, ditiko di di ku ni mimango ni mikova, adi di nakaniswako ngu mati a kuwa ngu nzumani.

Jobe 38:37

I mani a ku ni wutxhari wo balela marefu kani? Mwendo misava ya nzumani yi nga kwitimiswa ngu mani,

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Amosi 9:6

Ngene a akako tinyumba takwe nzumani, e tsanisa nzuma mafuni a dhanako mati a linene, e ma nisa txitimwi ka mafu; ditina dakwe ngene Mkoma.

Masalmo 104:3

U akile nyumba yako matini txitimwi ka tinzuma. Marefu u ma mahile txikotxikani txako u tsimbila u di txitimwi ka mabhapi a diphuho!