Masalmo 103:3 - Bhiblia Yo Sawuleka

³ Ngene a divalelako sotshe sionho sangu a txi ni hanyisa ka yotshe mipando yangu;

Masalmo 103:3 Referans Kwoze

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Isaya 53:5

Aniko ene a pekilwe ngu sihambunyeto sathu, e xaniswa ngu mhaka ya wubihi wathu; txitsayiso txi txi hi tiselako kudikha, txi ti ti txitimwi kwakwe, se hi hanyisilwe ngu mikhwimbiriti yakwe.

Masalmo 30:2

Mkoma, Txizimu txangu, ni ku kombete txivhuno, se awe u ni hanyisile.

Jeremiya 17:14

Ni thume Mkoma, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.

Masalmo 147:3

Ene wa tangalisa timbilu ta vale va nga khuveka a txi bhanditxha silonda sawe!

Jakobe 5:15

Mkombelo wa likholo wu na hanyisa mlwali e mana kuamukelwa ngu Mkoma. Se, hambi a di mahile sionho, si na divalelwa.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Marku 2:5

Jesu ngu ku ona kukholwa kwawe, a ti khene ka mlwali: “Mwanangu, u divaletwe sionho sako.”

Mitengo 12:13

Se Mosi a to dila ka Mkoma, a txi khene: Txizimu txangu, “na ku kombela ti to u mninga kukalamuka Miriyamu!”

Masalmo 130:8

Ene a na hanyisa Israyeli ka wotshe wubihi wakwe.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

2 Samuwele 12:13

Sekoko Dhavhidha a to khene ka Nathani: Ni onhile ka Mkoma. Se a to khene Nathani ka Dhavhidha: Mkoma nene a thavisile txionho txako; khu na mbi fa.

Isaya 33:24

Se muaki ni wammweyo kha na mbi khene: Na lwala; nguko vathu va va no zumba ka dona, va na divalelwa ka wubihi wawe.

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Masalmo 41:8

“Wulwati wakwe mbwa kubiha; a nga thuke e wuka kambe ngu ha ditahoni ha a nga otela kona.”

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 130:4

Aniko awe wa ziva kudivalela, kasiku athu hiva ni txithavo.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.