Masalmo 103:22 - Bhiblia Yo Sawuleka

²² Dhumisani Mkoma, anu siwumbwa sakwe sotshe, ka otshe makhalo a mfumo wakwe! Ni lava kudhumisa Mkoma ngu wotshe moya wangu!

Masalmo 103:22 Referans Kwoze

Masalmo 145:10

Awe Mkoma, yotshe mithumo yako yi na kudhumisa ni votshe vasawuleki vako va na ku bonga!

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Masalmo 150:6

Sotshe sivangwa so hanya si na dhumise Mkoma! Dhumisani Mkoma!

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Isaya 43:20

Sihari sa txitinga si na ni thumela, maxolwa ni vanana va mbuwu, nguko ni na thela mati txiwulani, ni minambo ligwangwani, kasi ku vathu vangu ve mana kusela, ka msawuleki wangu.

Masalmo 146:1

DhumisaMkoma! Awe moya wangu, dhumisa Mkoma!

Masalmo 104:35

Sigohi si na loviswe ha mafuni! Vabihi va na mwalale. Ni lava kudhumisa Mkoma ngu wotshe moya wangu! Dhumisani Mkoma.

Masalmo 104:1

Bonga ka Mkoma awe dihika dangu! Mkoma, Txizimu txangu! Wa thisa ngutu ngu wuhombe; u ambate wudhundo ni wulamuli.

Masalmo 103:1

Ni lava kudhumisa Mkoma ngu wotshe moya wangu; ngu yotshe mbilu yangu ni lava kudhumisa Txizimu txo sawuleka.

Masalmo 145:21

Txisofu txangu txi na embelela wudhumo wa Mkoma! Ni votshe vathu va na dhumisa ditina dakwe do sawuleka kala kupinduka!

Masalmo 148:1

Dhumisani Mkoma! Dhumisani Mkoma, mi di nzumani; m'dhumiseni mi di txitimwi ngutu!