Masalmo 103:15 - Bhiblia Yo Sawuleka

¹⁵ Kuhanya ka m'thu kufana ni mwasi; makhato a kona ma fana ni kumila ka txiluva txa thembweni,

Masalmo 103:15 Referans Kwoze

1 Pedro 1:24

Nguko, m'thu wuhi ni wuhi a fana ni mwasi, kupfaliswa kwakwe kotshe, kufana ni txiluva txa mwasi, mwasi wa oma, se txiluva txi mora,

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Isaya 28:4

Se txiluva txa kuwa ngu ka wudhumo wa ku ti tshurisela kwakwe, txi ku ha msungo ka mkova wo nona, txi na fana ni dikuwu, na ku si se hoka malanga, adi daku a txi di wona m'thu, na a ti nado manzani, wa di mita.