Masalmo 103:1 - Bhiblia Yo Sawuleka

¹ Ni lava kudhumisa Mkoma ngu wotshe moya wangu; ngu yotshe mbilu yangu ni lava kudhumisa Txizimu txo sawuleka.

Masalmo 103:1 Referans Kwoze

Johani 4:24

Txizimu i Moya, se vakhozeli va txona va fanela ku txi khozela ngu Moya ni ditshuri.”

1 Vakorinto 14:15

Se nji txani ni fanelako kumaha kani? Ni na khongela ngu moya, ni txi khongela kambe ngu mapimo; ni na embelela ndando ngu moya, ni txi embelela kambe ngu mapimo.

Masalmo 111:1

Dhumisani Mkoma! Ni na dhumisa Mkoma ngu yotshe mbilu yangu txikungoni ka valulami ni msengeletanoni ka vathu.

Masalmo 103:22

Dhumisani Mkoma, anu siwumbwa sakwe sotshe, ka otshe makhalo a mfumo wakwe! Ni lava kudhumisa Mkoma ngu wotshe moya wangu!

Masalmo 99:3

Di na dhumiswe ditina da hombe da kuthisa, nguko dona di sawulekile.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Masalmo 47:7

Txizimu i Mfumeli wa sotshe! Embelelani tindando to tsakisa ngutu!

Vafilipiya 1:9

Ni kombela ti to lirando lanu li na kule ditshiku ni ditshiku, amu ka wuzivi ni wutxhari,

Masalmo 138:1

Na bonga, Mkoma, ngu yotshe mbilu yangu; na embelela wudhumo wako masoni ka tingelozi.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Masalmo 104:1

Bonga ka Mkoma awe dihika dangu! Mkoma, Txizimu txangu! Wa thisa ngutu ngu wuhombe; u ambate wudhundo ni wulamuli.

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.