Masalmo 102:3 - Bhiblia Yo Sawuleka

³ Nguko masiku a kuhanya kwangu ma mwalala nga wutshi; mmidi wangu wa tura nga makala a mndilo.

Masalmo 102:3 Referans Kwoze

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Sidilo 1:13

Kukhukhela txitimwi, a rumete mndilo wu txi ta wulela marambuni kwangu; a ni riyete ngu mlawu e ni wisa ngu nyamsane dotshe ditshiku ni sate ni di dirumbini ni si nga ni kutsaka.

Masalmo 37:20

Aniko vaonhi va na fuva; valala va Mkoma va na hya kufana ni mwasi wa kuoma va na hangalaka kufana ni wutshi.

Jobe 30:30

Didhowo dangu di to nzihala, ni marambu angu ma hisilwe ngu lisani.

Masalmo 31:10

Ni hanya wutomi wangu ngu kuxaniseka, malembe a wutomi wangu ma pinda ni di kuxuphekani. Kupandiseka ka heta mitamo yangu; mmidi wangu wa goma.

Sidilo 3:4

A kumbisile mmidi wangu ni didhowo dangu a txi funyetela ni marambu angu.

Masalmo 119:83

Ani ni kumbile kufana ni msava wa kudivalwa txithatheni, aniko kha na divala milayo yako.

Masalmo 38:3

Ku walo txihango txa mmidi wangu, txi hanyako; ngu mhaka ya kuhenya kwako, kuwalo kuhanya marambuni kwangu ngu mhaka ya sionho sangu.

Masalmo 27:9

U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

Masalmo 31:3

Awe u dirigwi dangu ni mkhokhola wangu! Ni tsimbitise u txi ni vhikela, ngu lirando la ditina dako da dinene.