Masalmo 102:26 - Bhiblia Yo Sawuleka

²⁶ Sotshe si na pinda, aniko awe u na simama u tsana. Sotshe ha mafuni sa sakala kufana ni nguwo; sotshe u na si txhipisa kufana ni syambalo, se si na mwalala!

Masalmo 102:26 Referans Kwoze

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Luka 21:33

Nzuma ni mafu si na pinda, aniko mapswi angu kha ma na mbi pinda.”

Mtuletelo 21:1

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Varoma 8:20

Nguko sotshe si vekilwe hahatshi ka sixaniso sa ditiko, i si nga ngu kuranda ka sona, aniko ngu mhaka ya wule a nga si veka hahatshi; hambi keto, txi ho txithembo txa tito:

Isaya 66:22

Nguko, kufana ni nzuma ya yiphya ni mafu a maphya, sile ni no si va nga, si nova masoni kwangu, kuwomba Mkoma, ngu kumaha keto, li na zumbisa tona eto liveleko lanu ni ditina danu.

Masalmo 102:12

Aniko awe, Mkoma, u mfumeli yotshe mbimo; ditina dako di na alakanywa ka liveleko ni liveleko!

Isaya 65:17

Nguko ani na vanga nzuma ya yiphya ni mafu a maphya; se kha ku na mbi alakanywa timhaka tile ti nga pinda, kambe kha si na mbi khumbulwa.

Eksodha 3:14

Se Txizimu txi ti kha txona ka Mosi: “ANI NGANI I KU ANI.” Txizimu txi to kha txona kambe: U na ya womba tiya ka vanana va ka Israyeli: “ANI NGANI, a ni rumile kwanu.”

2 Vafumeli 19:15

A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.

Jobe 38:4

U ti ti hayi awe mbimo yi ni nga va nga ditiko kani? Ni mahe ni tiziva, ngako u di ni wuzivi.