Masalmo 102:2 - Bhiblia Yo Sawuleka

² U nga ni sisele khohe yako, mbimo yi ni ku kupandisekani; siza u txi engisa kuvilela kwangu! Kuluveta u txi ni xamula, ngako ni txi kudhana!

Masalmo 102:2 Referans Kwoze

Masalmo 69:17

U nga ni sisele khohe yako ani txithumi txako; ni xamule ngu kukuluveta, nguko ni ha phangoni!

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Masalmo 27:9

U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

Masalmo 104:29

Ngako u txi si sisela khohe yako, sa rereka, ngako u txi si thavisa moya, sa fa, si txi tshumela si maha luthule.

Masalmo 70:1

Ngono ngu kukuluveta, Txizimu, u ta ni ponisa! Ngono ngu kukuluveta, Mkoma, u ta ni lamulela!

1 Vakorinto 10:13

Kha mi nzi kuhumelelwa ngu txiduko txa kuhambana ni siduko sa vamwani vathu. Txizimu txi thembekile, kha txi na kutumela ti to mi txi dukwa ngu si si ku txitimwi ka mtamo wanu. Aniko, ngako txiduko txi txi mi tela, a na mi ninga nzila ya kupona ka txona, ni mtamo wa ku txi rwala.

Masalmo 143:7

Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 71:2

Ni ponise, u txi ni vhikela, awe u ku wo thembeka! Ni engise, u txi ni hanyisa!

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Masalmo 40:13

Mkoma, ni pfele wusiwana! Ngono u ta ni hanyisa! Ngono ngu txikuluveta u ta ni vhuna!

Masalmo 31:2

Ni engise ta tinene u txi kuluveta ku ni hulukisa. Awe maha dirigwi dangu da wuvhikeli; awe maha mkhokhola wangu wa wuthavelo ni kuhanyisa!

Masalmo 22:19

Aniko, awe Mkoma, u nga eme kule ni nani! Awe u mtamo wangu! Ngono ngu kukuluveta u ta ni vhuna!

Masalmo 13:1

Mkoma, u na ni divala kala mbimo muni, kani? Wo ni leka ngu nyahele kani? U na ni sisela khohe yako kala mbimo muni kani?

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Jobe 7:21

U lamba kudivalela sihoheto sangu, u si thavisi wubihi wangu kani? Konkuwa, ni na otela lithuluni, se ngu mabimbi-kutxa u na ni lavetetela, aniko khu na mbi ni mana.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Eksodha 2:24

Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

Masalmo 17:1

Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.