Masalmo 102:16 - Bhiblia Yo Sawuleka

¹⁶ ngako Mkoma a txi aketa Siyoni a txi ti wonekisa ni wudhumo wakwe;

Masalmo 102:16 Referans Kwoze

Jeremiya 33:7

Ni na wuyisa va vo ñolwa va ka Judha ni Israyeli, ni na va akisa nga kale.

Masalmo 147:2

Mkoma wa wuseta Jerusalema e tshanganisa ngamu ya Israyeli, yi nga ti hangalakile.

Mika 2:9

Mi va rinzile hahanze vavasikati va vathu vangu, ka tinyumba tawe to va tsakisa; ka vafana vawe mi thavisile wudhundo wangu, kala kupinduka.

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

Isaya 14:26

Ngu txona txikungo txi txi nga sungwa txitimwi ka otshe mafu, adiya dianza di nga nawulutwa txitimwi ka matiko otshe.

Masalmo 97:6

Tinzuma ta huwelela kululama kwakwe ni vathu votshe va wona wudhumo wakwe.

Masalmo 69:35

Kha ditshuri, Txizimu txi na hanyisa Siyoni, txi txi aketa madhoropa a Judha, se va na wuya avale va nga ti tutumisilwe.

Masalmo 51:18

Xayisa Siyoni ngu wunene ni wumbilu wako; aketa maguma a Jerusalema.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Isaya 60:3

Se matiko ma na tsimbila liwoningoni kwako, ni vafumeli va na tsimbila ka liwoningo li li nga kuveleka.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.