Masalmo 101:3 - Bhiblia Yo Sawuleka

³ ni na leka yotshe mithumo yo biha. Na nyenya mithumo ya vabihi; kha ni na mbi tumela kusengela navo.

Masalmo 101:3 Referans Kwoze

Masalmo 119:37

Vhikela maso angu ti to ma si woni wukanganyisi, se ni wuse ni tsimbila ngu nzila yako.

Jobe 31:1

Ni mahile txitumelelano ni maso angu; ni nga navelisa kutxani muhorana kani?

Mavingu 6:25

Ngu mbiluni kwako u nga navele kutshura kwakwe, hambi ku ku ndindetela ngu maso akwe.

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

Masalmo 40:4

A katekile m'thu wule a thembako Mkoma awule asi londiseliko ava va kutikulisa, a txi hambana ni va va khozelako sizimu sa makuhu!

Eksodha 20:17

U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

2 Pedro 2:21

Ngu toneto, i ti tshuko kwawe, idiku va ti sa yi ziva nzila yo lulama, kupinda ku, msana ka ku yi ziva, ve hambuka ka mlayo wo sawuleka awu va nga ningwa wona.

Vagalatiya 4:9

Aniko konkuwa, ngako mi txi zivako Txizimu, mwendo, ngu mawombelo a txhuko, ngako mi ziwako ngu Txizimu, ti mahisa kutxani kutshumela kambe mi ya ka sa ku ambi na mtamo ni sa wusiwana, mi lava ku ti maha sithumi sa sona kani?

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Ekleziyaste 6:9

I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.

Joxuwa 23:6

Mahani mtamo, mi txi vekisa ni kuxayisa totshe ti ti nga bhalwa amu dibhukuni ka Mlayo wa Mosi, mi si hambuki, mi txi ya txineneni mwendo txibhabha.

Vahebheru 10:39

Athu kha hi nga vathu va va tshumelelako msana, veya kulovani. Hi vathu va likholo, kasi ku hi txi hanyisa mimoya yathu.

Masalmo 119:113

Na nyenya vakanganyisi, aniko ni randa mlayo wako.

Masalmo 78:41

Va to tshumelela msana, ve duka Txizimu; sambe va kanakanile ngu wo Sawuleka wa ka Israyeli!

Masalmo 14:3

Aniko votshe va hambukile, kambe va onhekile, kha nga ho wule a mahako ta tinene. Lambi ni wammeyo!

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,

Isaya 30:11

vayilelani nzila, mi huma amu ka txinzilana; mahani ti to Msawuleki wa Israyeli asi maneki hagari kwanu.

Masalmo 39:1

Ani ni to khani: Ni na xayisa tinzila tangu, kasi ku ni si onhi ngu lidimi langu; ni na xayisa txisofu txangu ngu matomu mbimo yile m'bihi a ku masoni kwangu.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 97:10

Mkoma wa randa avale va nyenyako kubiha wa vhikela wutomi wa vale va mthembako, wa va hulukisa manzani ka vabihi.

Masalmo 78:57

Va tshumelete msana, ve eyisa Txizimu kufana ni vatate vawe; va ti jikisile kufana ni wulaho wo gombonyeka!

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Dhewuteronome 13:17

Kambe ni txa tximwetxo ka sile i ku so yila, kha kulaveki txi maneka manzani kwako, kasi ku Mkoma a txi boxa dikhulo da txiviti txakwe, a txi kupfela wusiwana, a txi va ni wumbilu ngu ngawe, a txi kuandisa, nga ti a nga xambanya ka vatate vako,

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Masalmo 41:9

Hambi mndoni wangu, awu ni nga ti m'themba, awu ni nga ti dya nayo mbiyani kumweko, se konkuwa a ni wukete a txi ni ganyata ngu txizenende txakwe.

Masalmo 139:22

Na va nyenya ngu wotshe mtamo wangu! Ni va wona i di valala vangu!

Mavingu 6:12

M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela.

Mavingu 6:13

A valutela ngu maso, e womba-womba ngu mikondo, ni kumaha sikombiso ngu titiho.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Zakariya 8:17

Kambe ni wammweyo kwanu, a nga pimisele wubihi mbiluni kwakwe, wo wukela mkwawe, hambi kudhunda kuxambanya makuhu, nguko totshe tiya ani na ti nyenya, kuwomba Mkoma.