Masalmo 100:1 - Bhiblia Yo Sawuleka

¹ Embelelani ka Mkoma ngu litsako, anu vathu va dotshe ditiko!

Masalmo 100:1 Referans Kwoze

Masalmo 98:4

Huwelelani Mkoma ngu litsako, motshenu vathu va ha mafuni. Pekani mikulungwani ya litsako, nengelani mi txi embelela tindando.

Luka 19:37

Se ngako a txi relela kuya dithekani ka mmango wa Miolivha, otshe mabutho a vagondiswa, ma ti ti dhumisa Txizimu ngu kutsaka, ngu dipswi do pfala, ngu mhaka ya sixamaliso si va nga si wona. Va txi kha vona:

Zefaniya 3:14

Embelela ngu kutsaka awe dihorana da Siyoni; Tsaka kambe awe Israyeli; ti tsakele u txi peka mikulungwani ngu mbilu yako yotshe, awe dihorana da Jerusalema.

Masalmo 32:11

Tsakani, kambe giyani ngu kualakanya Mkoma, vathu vavanene vo dhundeka; embelelani ngu kutsaka, anu motshenu mi ku vo lulama ni kuthembeka!

Varoma 15:10

Wa womba kambe a txi khene: “Tsakani anu vamatiko kumweko ni vathu vakwe.”

Masalmo 66:1

Dhumisani Txizimu ngu kudhinda ka litsako la hombe, anu motshenu matiko!

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Masalmo 47:1

Anu motshenu vathu, pekani manza! Losani Txizimu ngu mikulungwani ya kutsaka!

Zakariya 14:9

Se Mkoma a na maha mfumeli txitimwi ka otshe mafu, ka ditshiku donedo, mmwani a na va Mkoma, se mmwani a na va ditina dakwe.

Masalmo 67:4

Mifumo yi na giye ngu litsako, nguko awe u fuma vathu ngu kululama kambe wa xayisa mifumo ya ditiko!

Masalmo 66:4

Ditiko dotshe da kukhozela di txi kudhumisa ngu tindando; votshe va embelela tindando ka ditina dako.”

Masalmo 47:5

Txizimu txi txhatukile txitimwi hagari ka mikulungwani ni kuvetwa ka mpundu!

Masalmo 68:32

Embelelani ka Txizimu, vathu va mafu, embelelani tindando ka Mkoma.