Masalmo 10:9 - Bhiblia Yo Sawuleka

⁹ A fana ni ngonyamo yi ku diphalani ka yona; ene wa riya milawu kasi kubzweta txisiwana; mbimo yi a txi bzwetako wa txi ruruvisa, e txi ndinda ngu mlawu wakwe.

Masalmo 10:9 Referans Kwoze

Masalmo 17:12

Va fana ni tingonyamo ti ti lavako kupfinya mpfimba wa tona ni singonyamwana si di sisate diphalani ka sona.

Masalmo 59:3

nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Johani 10:12

Mthumeli wa male, awu i ku si nga m'dyisi, awu tinvuta ti si mu lumbiko, ngako a txi wona dixolwa di txi ta, a leka tinvuta, a txi tutuma, se dixolwa di txi honyola tinvuta, di txi ti hangalasa.

Zakariya 11:3

Ndidedo dipswi da huwa ya vadyisi, nguko wudhundo wawe wa fuviswa! Dipswi da kubhonga ka singonyamwana, nguko kutikulisa ka Jordhani kufuvisilwe!

Habhakuki 3:14

Awe u tute msungo wa mthangeli wa yimbi ngu mitxheketelo yako; vona va ni wukete nga txihuhuri ku ta ni hangalasa; va ti ti giyela ku nga va txo lava kumita txisiwana ku sisakalani.

Amosi 3:4

Ina ngonyamo yi nga bhonga txitingani na yi sa ñola txilo kani? Hambi txingonyamwana txi nga guleta dipswi diphalani na txi sa ñola txilo kani?

Ezekhiyele 22:29

Va tsindaveta ngutu vathu ditikoni, va txi pa, va txi lwisa wo xaniseka ni wa kupwata, va txi khozisa mluveli ku si nga ni fanelo.

Sidilo 3:10

Ene a ti mahile kwangu nga txikankanka txi ni zingelako, a txi nga ngonyamo yi ni baramelako.

Isaya 32:7

Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.

Isaya 3:15

Ngu kutxani mi xanisa vathu vangu, ni kutshinda tikhohe ta sisiwana kani? Kuwomba Mkoma, Txizimu txa Mabutho a Tiyimbi.

Mavingu 28:15

Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Mavingu 22:16

Awule a khinyavezako txisiwana ngu kulava kutikulisa apune, mwendo wule a ningako nyatithombe, ngu ditshuri a na maha txisiwana.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”

Habhakuki 1:15

Ene wa va guleta votshe ngu ndowo, se wa va mana ngu likoka lakwe. Kambe wa va pata ka likoka lakwe lo hiyela; ngu kumaha keto, ene wa tsaka ni ku ti bhuma.

Jeremiya 5:26

Nguko amu ditikoni kwangu vaho vathu va nga biha, va nyanimela nga vambzingameli va sinyana; va riya milawu ve bzweta vathu.

Masalmo 37:14

Vobiha va swomola ditxhari dawe, ve domba wulaho, kasi kudaya txisiwana ni txikulungu, kasi kudaya avale va londetako nzila ya yinene.

Masalmo 109:31

Ene i m'vhikeli wa sisiwana wa si hulukisa ka vale va lavako ku si daya.

Jobe 38:40

ngako ti txi sisala mibhalani, na ti txi solela maphalani kani?