Masalmo 10:5 - Bhiblia Yo Sawuleka

⁵ Mithumo yakwe ya nyawula txotshe txikhati. Kulamula kwako, Mkoma, ku txitimwi ngutu kwakwe; ene wa poyilela valala vakwe votshe.

Masalmo 10:5 Referans Kwoze

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Varoma 3:16

kulova ni makhombo si tinzilani kwawe.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Isaya 28:15

Nguko mi khanu: Hi mahile txitumelelano ni lifo, hi mahile txitumelelano ni wukhalo wa vafi; mbimo yi ku no pinda ndambi ya txitsayiso, kha yi na mbi hi hokela, nguko hi tekile makuhu hi ma maha wuthavelo wathu, se hi baramile hahatshi ka wukanganyisi.

Isaya 10:1

Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Mavingu 24:1

U nga bavele vathu vo biha, hambi ku navele kuve navo,

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Mavingu 2:15

emo ditshuri da kona i ku do xanisa ni mithumo yawe i kuyo timetwa;

Mavingu 2:13

ka vale va lekako ditshuri da wululamo, ve tsimbila ngu tinzila ta txidema;

Mavingu 1:19

Edo ngu dona ditshuri da vale va ti ningetetelako mu ko navela; kunavela ku na ñola dihika da vale va ku ni kunavela.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.

2 Samuwele 5:6

Se mfumeli ni vathu vakwe va to khukha ve tsula Jerusalema, ku yalwa ni va Jebhusi, vale va nga ti zumba ka ditiko dile, va nga womba ka Dhavhidha, va txi kha vona: Khu na mbi kuwulela hawa, nguko hambi mabhofu ni silima, kha si na mbi kuleka u wulela; Va txi lava kuwomba taku: Dhavhidha kha na mbi wulela hawa.

Valamuli 9:38

Sekoko Zebhule a to mu wotisa, a txi khene: Txi hayi konkuwa txisofu txako, atxile u nga womba ngu txona u txi khawe: “I mani Abhimeleki wa ku na za hi na mthumela kani? Ina hi nga vathu vava u nga va eyisa kani? Na ku kombela koko, huma u txi yalwa nayo.”

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Genesisi 6:12

Txizimu txi woni ti to ditiko di tate ni wubihi, nguko votshe vathu va ti ti londeta nzila ya walo.

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.

Masalmo 73:3

Ani ni ti bavela ava va kutikulisa, ngu kuwona kuzumbiseka ka vabihi.