Masalmo 10:3 - Bhiblia Yo Sawuleka

³ M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

Masalmo 10:3 Referans Kwoze

Masalmo 94:4

Votshe va va mahako kubiha va ti guleta, va ti kulisa ni kutiguleta ngu wubihi.

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Mavingu 28:4

Avale va lekako mlayo va dhunda muonhi; aniko ava va xayisako milayo va lwisana navo.

Masalmo 49:6

Vona va themba tithomba tawe, va ti kukumukisa ngu suma si va ku naso.

Masalmo 35:21

va asama ngutu sisofu sawe, ve womba kwangu va txi kha vona: “Athu hi ti woni ati u nga ti maha!”

Masalmo 5:6

wa fuvisa ava i ku vamakuhu. Wa nyenya sigevenga ni vakanganyisi.

Jobe 31:24

Ngako ni ti vekile themba yangu ka nzalama, ni kungako ni ti wombile ka nzalama ku khani: Awe u themba yangu;

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

1 Johani 2:15

Mi nga randeni ditiko, hambi ni si si ku ha mafuni. Awu a randako mafu, lirando lo randa Tate kha li nga ho kwakwe.

Jakobe 4:13

Sekoko, ni womba kwanu mi ku khanu: “Nyamsi, mwendo mangwana, hi na tsula ka didhoropa dokari, hi na ya fungala dilembe, hi txi xavisa, hi txi bhindula male,”

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

1 Vakorinto 6:10

ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

Habhakuki 2:9

Dikhombo ka wule a sengeletako tithomba to ti mana ngu mamahelo awalo, kasi kuveka txisaka txakwe txitimwi, a txi mahela ku ti txhatxhisa ka dianza do biha.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Isaya 57:17

Ngu mhaka ya wubihi wa likungo lakwe, ni henyile, ni va peka; ni to barama, ni henya; aniko sindaka-milayo si to tsimbitisa ngu nzila ya kuranda ka mbilu ya sona.

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

Masalmo 49:18

Hambi a sa nga va ni kupwata txilo kuhanyani kwakwe ha mafuni. Hambi vathu va txi kudhumisa ngu mhaka ya tithomba tako,

1 Samuwele 23:21

Sekoko Sawule a to khene: Katekiswani anu ngu Mkoma, nguko anu mi ni pfete.

Dhewuteronome 32:19

Mkoma a ti woni toneto, e henya, a txi xamukiswa ngu vanana vakwe vavafana ni vamahorana;

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Jakobe 4:16

Kambe konkuwa, ma ti guleta ngu mapimo anu aku ti themba: Kasi kotshe kutiguleta ko nga tiya, ku bihile.

Valamuli 17:2

Awu a nga khene ka mame wakwe: 1.100 wa male ya silivhela, yile u nga honyolwa, eyo u ngaza u womba-womba kubiha ngu mhaka ya yona, ni txi tipfa tinzeveni kwangu, wona taku maleyo yi ni nani, ngani ni nga teka yona. Sekoko mame wakwe a to khene: “Mkoma a na ku katekise mwanangu!”

1 Vafumeli 20:25

Se kulaveka u veka dimwani dibutho da yimbi da mtengo wa vale va nga dawa, kumweko ni mahantxhi, ni sikotxikani sa kona; se a hilweni navo ha ka ndandala, hi na wona ti to mwendo kha hi na mtamo kupinda vona! Se a to pfisisa ni kumaha toneto.

Ekleziyaste 7:15

Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe.