Masalmo 10:2 - Bhiblia Yo Sawuleka

² Kutikulisani kwawe, vabihi va xanisa sisiwana; va na bzwetwe ngu milawu yi va nga riya.

Masalmo 10:2 Referans Kwoze

Masalmo 59:12

Ngu txionho txa txisofu txawe, ni dipswi da txisofu txawe, va sungwa ngu kutikulisa; kumweko ni wubihi ni makuhu va ma humisako.

Masalmo 36:11

U nga leke avale va ti kulisako va txi ni kandetela, mwendo sigevenga si txi ni tutumisa.

Masalmo 7:16

Wubihi wakwe ni tshofu yakwe si na wele txitimwi ka msungo wakwe.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Masalmo 119:122

Thembisa ti to u na ni vhuna ani txithumi txako; u nga leke vathu vo ti kulisa va txi ni xanisa.

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Masalmo 119:85

Va kutiguleta, avale va si khataliko ngu milayo yako, va kete maphala masoni kwangu.

Masalmo 119:69

Vathu vo ti kulisa va luka makuhu ve ni lumbeta; aniko ani ni na vekisa sileleto sako ngu yotshe mbilu yangu.

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.

Isaya 14:16

Ava va kuwonako, va na kuwonisisa, va txi kha vona: Ngene m'thu wu a nga zinginisa mafu, awu a nga zinginisa mifumo kani?

Isaya 14:13

Nguko u ti ti khawe mbiluni kwako: Ni na kwela ni txiya nzumani, na guleta txikhalo txangu txa wukoma, txitimwi ka tinyeleti ta Txizimu.

Masalmo 119:5

Ani na ti dhunda ngutu kuzumba ni di tsani nzilani ko thembeka, ni xayisa milayo yako!

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 9:17

Awe u ngadi u txi ti guleta u txi wukela vathu vangu, u txi lamba ku va leka ve tsula kani?

Masalmo 109:16

Nguko eyo m'thu kha zivi kualakanya kutsetsa vakwawe; hahanze ka toneto, a xanisile sisiwana ni sikulungu ni sixupheki kala e si daya.