Masalmo 10:16 - Bhiblia Yo Sawuleka

¹⁶ Mkoma wa fuma kala kupinduka; mahedheni ma na humiswe ditikoni kwakwe.

Masalmo 10:16 Referans Kwoze

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

Masalmo 29:10

Mkoma wa fuma txitimwi ka ndambi; Mkoma a na fuma kala kupinduka!

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Dhewuteronome 8:20

Mi na lova nanu, kufana ni matiko awa Mkoma a nga ma lovisa masoni kwanu, nguko anu kha ma engisa dipswi da Mkoma Txizimu txanu.

Sidilo 5:19

Awe Mkoma, kufuma kwako, ngu ha ku si gumiko, ni wukoma wako mbwa liveleko ni liveleko.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Masalmo 146:10

Mkoma a na fuma ngu ha ku si gwitiko; Txizimu txako, awe Siyoni, nja liveleko ni liveleko. Dhumisani Mkoma.

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

Masalmo 9:5

U kawukile mahedheni, u lovisile vabihi, u pfhita matina awe, kala kupinduka.

Eksodha 15:18

Mkoma a na fuma, kala kupinduka, ngu ha ku si gwitiko!

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Masalmo 9:8

A na lamula ditiko ngu kululama; e lamula mifumo ngu nzila ya ditshuri.