Masalmo 10:1 - Bhiblia Yo Sawuleka

¹ Mkoma, nji txani u txi emela kule kani? Nji txani u txi sisala ka sikhati so xanisa kani?

Masalmo 10:1 Referans Kwoze

Masalmo 22:1

“Txizimu txangu, Txizimu txangu, u ni lekete txani kani?” Ngu kutxani u swelako kuxamula mapswi a kudila kwangu kani?

Masalmo 27:9

U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

Jeremiya 14:8

Awe u kuthemba ya Israyeli, Muhanyisi wathu ka mbimo ya sikarato, ngu kutxani u txi nga u wa matiko ditikoni, nga muendi wu a hambukako kasi e fungala wusiku wumwewo kani?

Masalmo 88:14

Ngu kutxani u txi ni nyenya, Mkoma, u txi ni sisela khohe yako kani?

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 44:24

Ngu kutxani u sisa khohe, u divala kuxaniseka kwathu, ni kukhoziswa kwathu kani?

Masalmo 30:7

Awe u wamnene kwangu, Mkoma, kambe u ni ningile kutsana, aniko, ngako u txi ni tshuralela, na tala ngu dizowa.

Jobe 13:24

Ngu kutxani u sisa khohe yako, u ni maha mlala wako kani?

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Jobe 23:9

Ngako txi txi thuma ka dianza da txibhabha, kha ni txi woni; txi txi sisala ka dianza da txinene, kha ni txi woni.

Masalmo 44:25

Nguko dihika dathu di wite hahatshi, ni mimidi yathu yi dombekile kala kugwesa mafu.

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!