Masalmo 1:2 - Bhiblia Yo Sawuleka

² Aniko ene a tsakela Mlayo wa Mkoma a zumba a txi wu alakanya wusiku ni mitshikari.

Masalmo 1:2 Referans Kwoze

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Masalmo 119:92

Idiku mlayo wako wu ti si ni tsakisi, nga ni di fite kale kupandisekani kwangu.

Masalmo 119:11

Ni vekile mbiluni kwangu mahungu ako, kasi ku ni si ku onheli.

Varoma 7:22

Nguko ni tsakela mlayo wa Txizimu ani ngu wutumbu wangu;

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Masalmo 119:35

Ni ninge kutsimbila ngu nzila ya sirumo sako, nguko ngu sona si ni tsakisako.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Masalmo 104:34

Ndando yangu yi na tsakise Mkoma, nguko ani ni tsakela ene.

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

1 Johani 5:3

Nguko kuranda Txizimu ti womba kuveketa milayo ya txona; kambe milayo ya txona kha yi nemeli.

Jobe 23:12

Ka sileleto sa txisofu txa Txizimu, kha ni zivi ka nga hambuka. Se mapswi a mkanani ka txona ni ma dhundile kupinda si nidyako.

1 Timoti 4:15

Atiya ngu tona u fanelako ku ti veketa hakhana. Atiya ngu tona u fanelako kutsanisela ka tona. U txi hanyisa tiya, kukula kwako ka mithumo ya yinene ku na tikomba ka votshe.

Masalmo 119:72

Mlayo wu u nga ni ninga, kwangu wu ni lisima ngutu kupinda tithomba tatingi ta nzalama mwendo ta silivhela.

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

1 Vatesalonika 2:9

Alakanyani, vanathu, mithumo yathu ni mikaralo yathu! Hi thumile wusiku ni mitshikari kufela ku hi si nemeti ni mmweyo wanu, mbimo yi hi nga ti txhumayela Evhangeli ya Txizimu hagari kwanu.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Masalmo 88:1

Mkoma, Txizimu txangu ni Muhanyisi wangu, wusiku ni mitshikari na ku kombela txivhuno.

Genesisi 24:63

Se Isaake a to huma ni minova eya mpetoni kuya khongela; ngako a di gute maso, a to wona makamelu ma txi bwaka.

Ezra 7:10

Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.