Masalmo 1:1 - Bhiblia Yo Sawuleka

¹ A katekile m'thu wule asi wuleliko txikungoni ka vabihi, ni kwa mbi tsimbila nzilani ka vaonhi, hambi kuzumba ni vapoyileli.

Masalmo 1:1 Referans Kwoze

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Jeremiya 15:17

Kha na zumba msengeletanoni ka vatseketseli, ni tsaka kona; ngu mhaka ya dianza dako ni zumbile nokha, nguko u ni mahile ni tala ngu txiviti.

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Mavingu 1:15

Mwanangu, u nga tsimbile navo ngu tinzila tawe; vayilelisa mkondo wako ka tisoko tawe.

Masalmo 34:8

Duketani mipune mi txi ti wona to Mkoma mbwa mnene; a katekile m'thu wule a thembako ene!

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Jobe 21:16

Wonani koko taku, tithomba tawe kha ti ti ngu manzani kwawe; wu nave kule ni nani wudhota wawe.

Vaefesu 6:13

Ngu toneto, xomani sivhikelo ni matxhari otshe a Txizimu, kufela ku mi sikota kubamba ka ditshiku do biha, se msana ka kuva mi di ti lulamisete, mi na sikota kutserama.

Genesisi 49:6

Moya wangu wu nga wulele sikungoni kwawe, nduma yangu yi nga wuletiswe misengeletanoni kwakwe, nguko kuhenyani kwawe va dayete vavamna, ve sakana ngu kulimata misiha ya tihomu.

Jeremiya 17:7

A katekile m'thu wu a thembako Mkoma, awu kuthemba kwakwe i ku Mkoma.

Mavingu 13:15

Mapimiselo amanene ma tsakisa, aniko nzila ya vakanganyisi ya lovisa.

Masalmo 119:115

Tsulani kule anu vabihi, kasi ni na xayisa sirumo sa Txizimu txangu!

Masalmo 106:3

Va katekile avale va vekisako milayo yakwe avale va mahako kululama yotshe mbimo.

Masalmo 26:12

Mikondo yangu yi tsani amu ka nzila yo lulama, ni na dhumisa Mkoma, misengeletanoni.

Mavingu 2:12

kasi ku kutxhatxhisa ka wubihi, ni ka m'thu wo womba-womba kuhambana;

Masalmo 81:12

Ngu toneto, ni va lekile ve maha kuranda kwawe ni kulondetela minavelo yawe.

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

Mavingu 3:34

Kha ditshuri ene a na xanisa vatseketseli, aniko a na ninga kukateka ka vale vo thutha.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

Mavingu 9:12

Ngako u di txharihile, u na ti txharihela upune; se ngako u ti mtseketseli, ngawe wekha u no xaniseka.

Masalmo 84:12

Mkoma wa mtamo wotshe, va katekile avale va kuthembako!

Varoma 5:2

awu hi nga mana kukholwa ka kateko yiya ngu mtamo wakwe, yona kateko yi hi ku nayo, ayi yi hi ningako kutsaka, na hi txi tsaniswa ngu txithembo txa wudhumo wa Txizimu.

Masalmo 144:15

Va katekile vathu va ti mahekako tiya kwawe! Va katekile vathu vava, Txizimu i ku Mkoma wawe!

Johani 20:29

Jesu e tshumela a txi khene kwakwe: “Akuwa u nga ni wona, wa kholwa. Va katekile avale va kholwako, hambi va sa wona!”

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

1 Pedro 4:3

Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.

Johani 13:17

Ngako mi txi tiziva tiya ni ku ti thuma, mi katekile.”

Masalmo 146:9

Mkoma wa xayisa valuveli; wa xayisa vo felwa ngu vaveleki, ni tinoni, aniko wa weketa nzila ya vaonhi.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Masalmo 146:5

A katekile wule Txizimu txa Jakobe i ku m'vhuni wakwe, awule themba yakwe yi ku ka Mkoma, Txizimu txakwe,

1 Vafumeli 16:31

Se ku to mahisa, (ku nga mhaka yo hehuka kutsimbila sionhoni ka Jerobhowamu, mwana Nebhate), kambe a to teka Jezabheli, mwana Etibhahali, mfumeli wa Vasidhoni, kuva msikati wakwe; se a to tsula eya thumela Bhahali, ni ku mkhozela.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Ezekhiyele 20:18

Aniko ani ni ti khani ka vanana vawe amu txiwulani: Mi nga tsimbileni ngu sileleto sa vatate vanu, kambe mi nga xayiseni milayo yawe, hambi kutinyenyezisa ngu sithombe sawe.

Mavingu 19:29

Wulamuli wu emisetwe vatseketseli, ni sisephu ka makata a siphukuphuku.

Masalmo 64:2

Ni lwele ka sikungo sa vabihi; ni ponise ka vathu vo biha va ni riyelako.

Jobe 31:5

Ngako ni di tsimbite ngu kukanganyisa, ni kungako mkondo wangu wu di tutumete ka wukanganyisi.

Jobe 10:3

Ta kudingana kha kwati ku ni xanisa, u lamba mthumo wa manza ako u woningeta txitimwi ka dibanza da vo biha kani?

Genesisi 5:24

Se Enoki a tsimbite kumweko ni Txizimu; se kha wonwa kambe aniko, Txizimu txi ti tekete ene.

2 Makronika 22:3

Nene a to londeta tinzila ta va ka Akabhi, nguko mame wakwe i ti ti disungukati dakwe.

Luka 23:51

awu a nga ti sa pfana navo ka malamulelo awe ni mthumo wawe. I ti wa Arimateya, didhoropa da Vajudha, awu a nga ti rinzela Mfumo wa Txizimu.

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Dhewuteronome 14:6

Mi na dya sotshe sihari, sile si ku ni sitsendo so bhandwa, si txi maha sitsendo simbidi, i ku sihari si si nyengako.