Marku 9:50 - Bhiblia Yo Sawuleka

⁵⁰ Mnyu njilo txo tshamba, aniko ngako mnyu wu txi guma mtamo, mi na wu lunga ngu txani wona kani? Zumbani ni mnyu mndani kwanu, mi txi va ni kudikha mmweyo ni mmweyo.”

Marku 9:50 Referans Kwoze

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

Varoma 12:18

Zamani kumaha ti mi ti kotako ngu didhawa danu, kasi ku mi hanya ngu kuthutha ni votshe vathu.

Matewu 5:13

“Anu mi m'nyu ka vathu. Ngako m'nyu wu txi guma mtamo, wu na lungwa wona ngu txani kani? Kha wu vhuni txilo kambe, hahanze ka kutheketwa kule, kasi wu na kandetelwa ngu vathu.”

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

Jobe 6:6

Ina ku nga dyiwa so pwata mnyu, i ku sa ditonde kani? Niku mwendo di nga tshamba dianda do basa kani?

1 Vatesalonika 5:13

Va xonipheni ngu lirando la hombe, ngu mhaka ya mthumo wawe. Hanyani navo ngu kudikha.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Jakobe 1:20

Nguko, kuhenya ka m'thu kha ku mahi kululama ka Txizimu.

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Masalmo 34:14

Hambuka ka wubihi, u txi maha ti i ku ta tinene; lava kudikha ngu kutimisela.

Marku 9:34

Vona va to malala, nguko mhaka yi va nga txi kanetisana ngu yona i ti yo lava kuziva tito, hagari kwawe, wa hombe ngu mani.

Masalmo 133:1

Eto ti tshambisako tona ni kutsakisa, ngako maxaka ma txi hanya kumweko ngu kupfana!

Ezekhiyele 43:24

U na si ningela masoni ka Mkoma; se vaphaxeli va theletela mnyu txitimwi ka sona, va txi si maha mningelo wo hiswa, ka Mkoma.

Marku 9:49

“Nguko mmwani ni mmwani a na lungwa ngu mndilo, kufana ni mhamba yi lungwako ngu mnyu.