Marku 9:5 - Bhiblia Yo Sawuleka

⁵ Pedro a to womba ka Jesu a txi khene: “M'gondisi, ndinene ti to hi zumba konahawa; hi na aka midhuti miraru: Wumwewo mbwako, wumwani mbwa Mosi ni wumwani mbwa Elija.”

Marku 9:5 Referans Kwoze

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Matewu 23:7

va dhunda kuloswa amu metendelani ni kudhanwa ku ‘M'gondisi M'gondisi’ ngu vathu.”

Masalmo 84:10

Ndinene ngutu kuzumba ditshiku dimwedo nyumbani kwako, kupinda kuzumba digumi da mazana a masiku hahanze! Ni randa kuzumba ha txikeni ka Nyumba ya Txizimu txangu kupinda kuzumba matendani ka vabihi.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

Matewu 17:4

Se Pedro a to womba ka Jesu a txi khene: “Mkoma ndinene ku hi zumba konahawa. Ngako u txi ti lava, hi na aka kona hawa midhuti yiraru, wumwewo mbwako, wumwani mbwa Mosi ni wumwani mbwa Elija.”

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Marku 9:4

Se ku to woneka masoni kwawe Elija ni Mosi na va txi womba-womba ni Jesu.

Marku 9:6

Nguko ene asi ti zivi ti a nga txi womba tona, nguko va ti ni dizowa da hombe.

Luka 9:33

Ngu txikhati txi va nga txi lava kuhambana nayo, Pedro a to khene ka Jesu: “Mkoma, ta tshura ngako hi txi zumba kona hawa; hi tumelele hi txi aka midhuti miraru; wumwani mbwako, wumwani mbwa Mosi, wumwani mbwa Elija.” Kambe asi ti zivi ati a nga txi womba-womba tona.

Johani 4:31

Ngu kumaha keto, vagondiswa vakwe va to mkhongotela, va txi kha vona: “Dyana, M'gondisi!”