Marku 9:47 - Bhiblia Yo Sawuleka

⁴⁷ Se ngako diso dako di txi kuyisa txionhoni, di thavise; ta vhuna ngutu kwako kuwulela Mfumoni ka Txizimu ni diso dimwedo, kupinda kuyiswa Gehena u di ni maso ako a mambidi;

Marku 9:47 Referans Kwoze

Matewu 18:9

Se ngako diso dako di txi kukhuvekisa, diphokonyole u txi di tshotsha kule ni nawe; nguko i txhuko kwako kuwulela kuhanyani ni diso dimwedo, kupinda kutshotshwa Gehena ka mndilo u di ni maso a mambidi.”

Marku 9:43

Ngako dianza dako di txi kumahisa txionho, di wile, nguko ta vhuna ngutu kwako, kuwulela kuhanyiswani u di txilima, kupinda kuyiswa, u di ni otshe manza ako a mambidi Gehena ka mndilo wo mbi timeka,

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Vagalatiya 4:15

Se konkuwa ku hanini kutsaka kwanu kani? Nguko ni nga mi mahela wufakazi wa tito, idiku i ti kale kwanu, hambi maso anu nga mi di ma xokote mi txi ni ninga.

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Masalmo 119:37

Vhikela maso angu ti to ma si woni wukanganyisi, se ni wuse ni tsimbila ngu nzila yako.

Jobe 31:1

Ni mahile txitumelelano ni maso angu; ni nga navelisa kutxani muhorana kani?

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Marku 9:46

[ahawa mbungu yawe yi si fiko, ni mndilo wu si timekiko.]

Johani 3:3

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”

Johani 3:5

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi ngu mati ni Moya, kha na kusikota kuwulela Mfumoni ka Txizimu.