Marku 9:43 - Bhiblia Yo Sawuleka

⁴³ Ngako dianza dako di txi kumahisa txionho, di wile, nguko ta vhuna ngutu kwako, kuwulela kuhanyiswani u di txilima, kupinda kuyiswa, u di ni otshe manza ako a mambidi Gehena ka mndilo wo mbi timeka,

Marku 9:43 Referans Kwoze

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Vagalatiya 5:24

Avale i ku va Kristu va bethete ha txihambanoni nyama ni wubihi wa yona ni minavelo ya yona.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Titosi 2:12

yona yi hi gondisa kuhambana ni to biha ni minavelo yo biha ya ditiko, ti to hi txi hanya ngu kutipimela ni kululama ni txithavo ditikoni muwa,

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

Varoma 8:13

Ngako mi txi londetela minavelo ya mmidi, mi na fa; kambe ngako mi txi daya mithumo ya mmidi, mi txi teka ya Moya, mi na hanya.

Luka 14:13

Aniko, ngako u txi maha m'buso, dhana sisiwana, silima, sidiya ni mabhofu;

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

1 Vakorinto 9:27

Aniko ani ni tsayisa mmidi wangu, ni txi wu maha khumbi, kufela ku, ni di txhumayete vamwani, ani nipune ni si sali msana.

Luka 14:21

Txithumi txi to tshumela txi ya zivisa mkoma wa txona timhaketo. Se nyamne wa m'ti a to henya, a txi gela txithumi txakwe, a txi khene: ‘Kuluveta u txi ya mitendelani ni maphangoni ka didhoropa, u txi tisa kheno sikulungu ni silima ni mabhofu ni va vo khwita.’

Isaya 1:31

Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Matewu 17:27

Aniko, kasiku hi si va khuvekisi, tsula lineneni u txi ya dota, teka txihaka txo khata txi no ñolwa ngu ndowo. Txi tule txisofu, u na mana male ya txitateri; yi teke u txi dihela ngu ngani ni nawe.”

Marku 9:44

[ahawa mbungu yawe yi si fiko, ni mndilo wu si timekiko.]

Luka 3:17

Manzani kwakwe ana ni txiselo txa kusangaya, a na hehera fulaho ya txithatheni kwakwe, e yi sengeleta mu txisangalani kwakwe. Se a na hisa maphumbu ngu mndilo wo mbi timeka.”

Jobe 20:13

a veketa wubihi, kha wu leki, a veketa mkanani kwakwe,